गीत / कुमाउँनी
. . . .
हिवालों की गैला
. . . . . . . . . . .
आडु खुमानी बानर खानी ओहाे नर – बनर चानी भैटी छैला।
पहाड़ै की हाव् बदई ओहो किल कैलै बानि – बानी घैंटी हैला।।
भितेरै बटी गाड़ि ल्हिजाँणी सामोव और तो और करि जानी घैला।
बाँज् गाड़ा में गुँणीं सुअर गोठों में रैगे बादी गाजी बैला।।
कैकि गाई कैकि आँखी लागी पहाड़ै कैं हति गे हाई दैल -फैला।
ताइ लगाई घर बाखई लोग जाँण् भैगी तापहौं भाबर क् तैला।।
य गुणि – बानर क् कर उपामा,जसिक नि आओ यौं बाघ कुरबुरैला।
धन सरकारा त्यार् कारबारा यौं वोटर तुकैं अघिल आइ लै चैला।।
भरपूर शिक्षा , रोजगार हैजो , घर ब्याव तक नि रओ खाल्ली थैला।
चैंन की वंशी फिर सुणीयो मोहिली य हिवालों की गैला।।
हम तो सीधा – सादा छन ,मन न कैक़ै लै रत्ति भरी मैला।
हम काफल हिसोई जासा तुम ‘ मोहन ‘ काकू जास् कुकैला।।
. . . . . . . . . . . . . . . . . . . . . . . . . . . . . . . . . . . . . . .
मोहन जोशी
( तर्ज – बेडू पाको बार मासा )
बहुत सुंदर
भौत बढ़िया रचना भेजछा मासाप आपु,,, प्राकृतिक सौंदर्य को ओत प्रोत करते हुए लेख हनी आपुन,,,, जदूक लै प्रसंसा करनू कम छू।।